Full fart til helga....

Swiften min skal få kjøra seg då...liksom pakka i, spenna oss fast og bånn gass! Turen går mot Vågsbotn, til høgre i rundingen, utover Nordhordaland, liksom graset legg seg i spagat når me fer forbi.

Passerer fengselet, nei for der skal me ikkje....over nokre bruer og så til venstre, og så til høgre att. Derifrå utover utover utover - mot havet- plutseleg passerer me Mongstad og det nærmar seg.

Swiften gjer på alt han maktar med sine 91 Hk, to kvinnfolk og ein masse pakkenellikar i bilen. Kanskje litt mat og, eit fotoapparat, solbriller og anna me har bruk for.

Ferja på Sævrøy rundar inn mellom holmane og legg til kai og to spente tytter er aldeles klar til å manøvrera ombord.

Fedje folkens! Fedje i helga. Gler oss som småungar. Eit fantastisk samfunn på ei nydeleg øy, langt ut mot havet, med mykje vær og god revygjeng som denne helga skla visa den nye revyen sin. Me gler oss.

Plakaten her fortel korleis og kor tid......Og så dans etterpå då. Dessutan har me ikkje vore i den forholdsvis nye fleirbrukshallen deira. Det skal bli show.

Fedje here we come!

Lakenskrekken gjer seg gjeldande

"Da va no eg egentle sku sova fø eg va lagd fø over ein time sio....men du veit!"
Soving er oppskrytt har eg funne ut.

Der står senga, oppe på loftet 180x200 cm med to dundyner og 6 puter, eit varmeteppe og kald god luft i rommet....men var eg klar? Nei det var eg definitivt ikkje!
Lurer på om ho er for stor og rommet for lite, eller er eg for stor, senga for lita og rommet akkurat passeleg? Kanskje er det for kaldt i eit alt for stort rom med alt for mange puter og dyner? Mest truleg er eg akkurat passeleg til ei stor seng i eit pittelite rom med rutete gardiner , 6 puter og to gode dyner. Kva med varmeteppet då? Det er vår. Kanskje skulle det vore hive ut....Ut glaset kanskje, det kunne vore stas...slepp å vaska det då...berre hiva det ut og liksom overlevera det til hannkatten Kastratus. Hadde vorte glad han då.

Nei...eg bloggar litt her i mørket, i ein overmøblert heim i Sundvik. Sit og lurer på kva eg skal jobba med i morgon. Er liksom litt avhengig av jobb eg. Kan ikkje rota vekk tid på avslapping...mykje som skulle vore gjort. Eg held jo på med eit studium som skal skrivast oppgåver....kanskje eg heller skulle skrive noko fornuftig no i staden for dette tøyseriet her på bloggen.

Tenkjer jo på Siri og Olamannen som har høgtlesing frå bloggen min. Dei skal jo ha å gjera på dei og. Bevares kor trøttande det hadde vore der borte på Gjøvik viss ikkje dei hadde hatt høgtlesing frå blogg.....Har jo budd saman eit års tid snart og då må ein jo finna på tidtrøyte....Vel har dei byrja å trena for å verta tynne...det skal vera sagt, og dei er flink....det skal eg og, trur eg.

I morgon tidleg når eg står opp skal eg faktisk gå ein tur rundt vatnet. Liksom få Tandorien som eg knalla i meg i kveld til å bevega seg smidig gjennom systemet. Og no....no skal eg for så vidt sova som eg starta dette innlegget med.

Ville du vore med å starta eit forbund kanskje...?Kva med LSS Lakenskrekkens søstre....Me kunne hatt skipingsmøte i nattens mulm og mørke....Fått på plass eit interimstyre og sett ned vedtekter. ...Du er kanskje ein kandidat? I mellomtida sit eg her og utnemner meg sjølv til formann, styremedlem og skrivar..........

Engasjement

"Koffø e da fotball på TV heile året? Koffø e da nesten aldri pause?"

I går , søndag, jobba eg meg kraftig inn. Sat 12 timar med skulearbeid, rettingar og vurderingar. Var faktisk oppe klokka halv åtte på ein søndagsmorgon.
Det har gjort sitt til at eg i dag har hatt tid til å rusla meg ein tur, tenkte eg skulle benka meg framfor Tv med litt peiskos og greier.....ja nei jau...fotball. Sikkert kjekt det for dei som er ihuga fans, sikkert jysla gode greier å sitja på enden av sofakanten, skrika og stønna for brått å reisa seg med armane til himmels. YES!

Eg har sett på dei. Engasjerte til tusan. Synes det er koseleg eg. Ja, me har forskjellig som engasjerer..... Far min engasjerer seg i hopprenn. På slutten når dei siste hopparane skal utfor, ja, då sit han ytterst på sofakanten og overkroppen lener seg frå høgre til venstre....han liksom føl dei i svevet..... "ja ja ja ja ja ja ....neeeeei......nedturen er hard. Kom ikkje langt nok. Poenga står ikkje til fyrsteplass...Noreg utan gull. Uffdå!
Kva engasjerer meg då så at eg blir ivrig og gløymer meg vekk.....liksom utan hemningar....ensar ikkje folk som er rundt? Nei kva er det tru?

Grand prix seddu! Eg startar alltid roleg i sofakroken. Liksom riggar meg til med gode puter og teppe, noko snop på bordet og ja, dunkel belysning. Må alltid ha nokon som eg kan sjå saman med, elles sit eg der og snakkar høgt med meg sjølv....alle i familien veit kor det tek seg ut....

Etter kvart som dein eine dårlege melodien etter den andre, damer i lite kle, pønkarar og heavy metal band entrar scena...ja så stig temperaturen i ho Gro. Eg formeleg kjenner kor det byrjar å verta uroleg frå nedst og oppover. Så irriterar eg meg på dei som kommenterer på norsk. Det hadde vore mykje betre utan dei. Kunne høyrt på programleiarane der ute ein eller annan plass i verda kor det vert arrangert til kvar ei tid..... Nei no kjenner eg at eg går meg opp att....:-) Ler du?
Er for så vidt greit det. Eg ler enno sjølv og. ....vel ute i pausen byrjar familie å ringja meg berre for å høyra kor eg har gått meg opp.....
Så poenga. Svenskane gjev oss aldri kva me fortener og me gjev dei heile tida 12 poeng. Kan du forstå kvifor? Nei dette kan eg ikkje tenkja meir på no...Hehe.... Grand prix e nærare enn eg trur. I mai ein gong seddu. Då skal det skje.... kanskje det er same helga som eg har konfirmant? Kven veit?
I alle fall i år vinn me anten hopparane eller fotballspelarane hentar gull....ja så vil gullguten Alexander Rybak ta kaka! Tru meg!

Beat for beat og engasjerer. Det er einaste gongen eg står på golvet og ropar eller syng til TV....mange gonger er eg raskare enn kjendisane på TV......Tord Eirik har vore imponert over mor si mange gonger.....No går han i 9.klasse....Spørs om han er så imponert no?

Digital kompetanse i læring

....er studiet eg held på med som vidareutdanning. det er kjempeinteressant. Følg med studiebloggen min og. Der kan du lesa om saker som angår elevane i skulen i dag, interessann programvare som ligg gratis på nett med meir...stikk innom studiebloggen min!

http://www.108groval.blogspot.com

r.

Iskald tjuv - i ferien!

Sjø, pale, sild, lyr, torsk og kråkebolle.......ein toppskarv som stjal sild frå garnet ....ikkje berre ei men tre! Bestefar i familien som skreik frå verandaen for å prøva å skremma vekk toppskarven....ser du det føre deg?


Toppskarven er ingen kven som helst idiot av ein fugl...sumde så galant rundt garnet og berre henta ut den maten han ville ha. I det bestefar var på plass i båten og starta motoren...då kniksa skarven litt med hovudet og padla vekk....var langt borte på sjøen og berre betrakta at garnet vart heist opp i båten. Fisken som stod att i garnet bar preg av at skarven hadde prøvd seg......du verden for ein kjeltring! Ikkje løye at besten var opptrekt.

Ein måke utan ein fot, mange av arten, skrikande i flokk: Skal ha skal ha! Svirra rundt hovuda på oss, stupte i fjorden, i det me kastar fiskeslo, og var han rask nok, ja, så tok han gørra i lufta......tjuuup så var det borte....skal ha skal ha! For eit liv!

Toppskarven er frykta, særleg i nord Noreg.....gammal overtru frå nord seier at toppskarven kjem med død og elendighet.......rir toppskarven på bølgene vert det storm og gjerne forlis.....

Luring denne fuglen....ser faktisk litt skummel ut og.... Det raude biletet her viser konturane av ein....trur søren meg det var han som var ved hytta vår i dag tidleg eg.....kven veit.

Det er interessant på hytta. Artige dagar saman med andre frå familien. Vinterferien er snart over og eg har kome heim att til min overmøblerte heim i dag. To dagar att så er eg i gang att....så pass i gang som det let seg gjera.
Hytta ligg att i skumringa og varmen vil gradvis siga ut gjennom panelen. Ho lurer nok på kor tid neste gong vert....det lurer eg og på ......kor tid skal eg få tid att? Snart er våren her, det vil sei han var der.....der ute i Lygrepollen i Fusa kommune har våren kome.


Her inne i vinterland, Norheimsund er me plaga med mykje snø i tettbebygde strok...ikkje bra! Ikkje bra!
Vinteren må berre rett og slett gje seg no......noko kraftig! Berre ta seg saman og forsvinna. Kan vera på Kvamskogen, ikkje her i tettbebygde strok.

Medan eg ventar på våren gjer eg meg klar til jobb på mandag, gjer meg klar til å snart finna bingen og leggja meg for å kvila...eg emd min lakenskrekk....kva er det eg trur?

.Skulle kanskje heller vore i Øystese på noko festeleg saman med venner.....viss dei er det endå....så lite eg tek meg tid til dei... Nei livet mitt skal snart leggjast om.... Eg har tenkt å bruka meir tid på "har lyst ting" og mindre tid på "må ting"......dessutan hadde det av og til vore fint og blitt kynisk.....Ka du trur?

Søndag i ferien

Som eit stort sett normalt menneske med heller sterk lakenskrekk sit eg her og bruker søndagen min i min øvermøblerte heim. Eg sov lenge i dag....Kan du forstå det? Eg sov så lenge at då eg vakna klokka halv ti så lurte eg på om eg var død.

Vanlegvis er eg vaken i mellom 6.oo og 7.oo om morgonen. Slik er det om eg har lagt meg 23.00 eller 05.oo. Så i dag altså....sov eg til halv ti! Er det løye eg trudde eg var død?

Søndagen har gått med til å kjenna seg einsam i heimen. Alle mann alle er reist ein plass og ho mor skulle vera heime aleine i 2-3 dagar. Gledde seg utruleg til det. Gledde seg slik at det var ikkje måte på. Tenka alt eg kunne gjera og ikkje minst alt eg kunne sleppa og gjera. Men kjære vene! Kor går det når ho skal stella aleine heime? Jysla godt det i ca ein time eller to, så blir ho uroleg.

Heldivis hadde eg koseleg besøk i heimen på fredagskvelden. Dagen i går, altså lørdag nytta eg til å lura på i 9 timar og 35 minutt om eg skulle gå ut eller ikkje......Høyres eg sjuk ut? Mulig det, men eg kan beroliga deg med at eg faktisk er heilt frisk.

Eg overdriv kanskje ein smule her, såg jo kunstutstillinga til Tord Torpe i går, dessutan var eg ein tur på Essoen for å kjøpa sjokolade. Klarte vel å trykkja sjokoladen i meg i løpet av ei DVD film som eg kjøpte samstundes. Så var eg kvalm! Fyttigrisen kor koseleg!

I dag, etter eg trudde eg var død, fekk eg skrive ei lita oppgåve eg har fått i studiet mitt. Skulle laga eit blogginnlegg om unges digitale arena. Det kan du lesa på http://108groval.blogspot.com/logspot.com/

Så har eg rett og slett vore til Øystese for å få ein matbite. Ja mat må helten ha for å leva! Kva kjøpte ho då? Kor sunn er eigentleg ho der Gro Valestrand? Av alt som stod på menyen måtte eg sjølvsagt trykkja i meg ein cheesburger i dag...og så med pommezfrites... DA VA GODT!

Er ikkje så ofte eg kjøper slik mat, men ein og annan gongen er det godt.

Så kva gjer eg på no? Sett bort i frå at eg sit her og skriv om alt og ingenting...noko eg faktisk synes er svært så kjekt...det har du vel forstått....så har eg fyrt i peisen. har tenkt å roa meg kraftig ned med ein koseleg film. Hannkatten Kastratus og meg er aleine heime og me skal velta oss rundt i sofaen i min overmøblerte heim.

Eg venta eldstemann heim att i dag.. Han har vore på hyttetur på Kvamskogen. Lurer på om dei har vore utanfor døra?

Kvamskogen er jo eldorado i vinterferien. Kanskje ikkje i dag slik været er, men stort sett så skal det vera flott ja. Bergenserar med kjeften open støtt...dei vrimlar i alle løyper, i alle naders hol der det er høve til å setja seg for litt fred og ro. ...... Noko som faktisk minner meg om eit dikt eg skreiv ein gong eg sat i snøkanten på veg opp til Byrkjeseter eit år. Skal sjå om eg får det inn her no:

UT I DET FRI
Å sitja ute i det fri
Skiløparar rasar forbi
Dei har pulk, dei har ski og stavar
Hundarspring og foreldre kavar
Eg bretter ut matta og set meg ned
I sekken har eg niste , brus og røyken med
Så pakkar eg ut , eg er glad , eg er fri
Denne dagen skal eg nytta ei dyrbar tid
Eg skriv , eg les, eg et av nista
Bakkane og sola lyser mot meg og fristar
Skal eg ski'a på meg spenna?
Eller skal eg berre liggja i sola og brenna?
Kondisen er ikkje på topp
Har vel heller ein slappe kropp
Burde vel kanskje ha trena litt
Berre det ikkje vert allt for stritt....
NEI....Takk til tankane eg held meg her på plassen
Bergensarane og andre tek seg av treninga og trør på gassen.
Ut på tur , alldri sur
Motto for alle mann på ski
UT I DET FRI NYT TIDA DI

Ei helsing til alle som har vinterferie, og til dykk alle som har hatt ferien. Me har vel alle site slik ein gong eller to ute i Guds frie natur. God ferie!

LOTTOMILLIONÆR ?????

Lure på om eg e`lottomillionær?

Lure på om eg e`tjukk i peng?

Kanskje eg er lottosær?

Kanskje eg kan strø rundt meg i fleng?

Muligens rik som det?

Muligens gje ein masse bort?

Alt eg då får te`!

Ein kontroll og draumen flaug bort!

FANKEN!

Ka med Jokeren då?

Kan det vera noko å tenkja på?

Skal sei det trengs!

Nei!.....nei nei - eg går te`sengs!

Nok ei veke som normalt økonomisk stabil

men lottomillionær -

EG E`HABIL!

Skal , skal ikkje og haldningane til nokon......

Lørdagskveld med fart i? Nei ikkje akkurat. Heile ettermiddagen og kvelden har gått med til å lura på om eg skal eller ikkje skal reisa på Øvreviken pub i kveld. Jymnæse spelar og det hadde vore kjekt og høyrt dei.
Bestemma seg liksom....er no søren ikkje så enkelt. Eg har brukt nøyaktig 9 timar og 35 min på å lura på dette. Men no har eg bestemt meg: Enten så reiser eg , eller så reiser eg ikkje! "Da e`berre søren so greitt!"
Så kvifor sit eg her og rotar inne på bloggen min? Skulle berre nett innom Facebook, og då eg hadde klikka meg fram og tilbake der, ja så skulle eg berre nett innom bloggen ein tur og her vart eg altså sitjande.

Eigentleg så skulle eg skriva litt om haldningane til to av veninnene mine, nemmelg Siri og Liv Turid. (Liv Turid i blå på biletet , Siri i svart)

Ikkje fordi haldningane deira krev ei lang utgreiing av noko slag....Nei...var vel mest for at eg var stor i kjeften i går og sa eg skulle blogga litt om haldningane deira...Ja eg skulle liksom vera morosam då! Hugsar no søren ikkje kva det var me diskuterte ein gong eg...eller kvifor eg skulle skriva om haldningane deira, men her sit eg altså no og gjer slik eg har sagt at eg skal gjera.

Me var vel innom det meste i går kveld. Skikkeleg jentekveld med god mat og lite drykk. Siri skulle kjøra over fjellet i dag, så me var einige om å ha ein roleg kveld.
Ja....eg var roleg....men var dei? Jau, dei var vel det. Men det var desse haldningane deira. Eg var truleg ikkje einig med dei eg då, i diskusjonane,...rett nok så var eg einig med meg sjølv....ja for det er jo berre eg som er normal....heile verda og alle rundt meg er gal.. Sånn er det berre med den saken!
Konklusjonen står på linjene over her. Det er eg som er normal. Difor reagerte eg nok på deira forskrudde haldningar :-))

Elles så ser du at eg sit her endå i og med at du fortsatt held fram med å lesa teikna eg tastar på skjermen. Klokka byrjar å bli så mykje at eg skulle vore reist viss eg skulle. Ute lavar det ned med snø og det er rett og slett irriterande. Vel, skulle det vera vinterferie no men eg seir ja til snø på fjellet og nei til snø i tettbebygde strøk.

Ventar på våren eg no! Ser i beda mine at snøklokkene har byrja å strekkja seg mot himmelen og krokusen strevar på for å koma gjennom ei heller forsen jord. Ser nett i spissen på han no....gjer på og strekkjer seg. Tar nok i neste gong det vert sol skal du sjå...Kanskje berre nokre veker no så står han der i full blom.

Me skulle vore så bestemt og "jenedig" som krokusløken. Hadde ikkje vorte sitjande her då. Nei då hadde eg gitt på og strekt meg...laga meg til......... og liksom berre kome meg avgarde ....

Nei det får kanskje vera kvelden no. Har vinterferie ja. Kan vera oppe så lenge eg vil....men eg veit søren ikkje om eg vil.....veit ikkje heilt kva eg vil i dag... Det er vist det som er dagens problem.

Ferie ferie ferie

I morgon er det freddan!!! Ikkje nokon heilt vanleg freddan heller. Nei, fredag 27 februar og vinterferien startar.
Folk gler deg til ferie. Vanlig det!
Gler meg eg og. Eg blir rett og slett aldeles einsam her i huset. alle mann alle skal vekk. Hannkatten Kastratus og meg att heima. Skal bli fantastisk!


Ikkje det at eg ynskjer vekk alle eg bur med, men du kor godt det skal bli å sleppa å forhalda seg til nokon på eit par dagar!
I alle fall kan eg bestemma heilt sjølv kor tid eg vil snakka med nokon, kor tid eg vil laga mat, kor tid eg vil sjå Tv og kva eg skal sjå på TV, kor tid eg vil gå ut og ikkje minst koma heim att....eller ikkje koma heim...ingen ventar...:-))

Vinterferie seddu! Då skal ein på ski. Alpinutstyret står for så vidt klart...det er berre å tre på seg egna tekstil og ta avgarde! Ut i det fri!

Viss eg kjem på det kan eg rett og slett pakka litt i Swiften min og blesa ut av motoren! Full rulle mot hytta i Lygrepollen! Fint der og no. Fisk i sjøen, frisk luft, og vårstemning.



Livet er herleg folkens!
Me baskar på i kvardagane med all slags greier.....greier her og greier der....problem og saker å ordna opp i . Bekymringar og gleder hand i hand... SÅ BRÅTT: Ferie! F E R I E....Hadde me ikkje hatt kvardagar , ja, så hadde ikkje feriar vore gode. Hadde me ikkje hatt ferie, ja, så hadde ikkje kvardagane vore gode heller, Etter ein ferie er det alltid godt å koma i gang att med vanleg rutine. Er ikkje me menneske rare?????

Russerevy RØD SNØ

Over her har me revysjefen Grete i ein god monolog som vaskekjerring. All æra og vel blåst revy. Dei var kjempeflinke.

Det aller siste nummeret, spelt for siste gong, søndag . Trist i grunnen. Burde ha spela meir

Øystein Fosse er samen som gjennomgangsfigur. God skodespelar

Torkjell Vik og Torbjørn Valestrand Berge som fotballkommentatorar. Gode karar!

Marte Neteland spelar kjærasten il Jan Thomas

To småtassar som diskuterer eit og hitt....Torbjørn og Siri

Og her eg gutta boys i full discodans. Dei imponerer og er skikkeleg morosame å sjå på

Ja så var russerevyen dette året over for denne gong. Med ein russ i huset har eg sett hardkjøret dei har følt på kroppen den siste veka. Vel verdt det når me ser resultatet. Fantastisk flink ungdom som har produsert ein revy sjølve. Skrivegruppa har halde på ei tid med jamnlege møte. Tekstane deira fungerte fint og me i salen fekk oss mang ein god latter. Alle var gode og nokre merka seg ut. Ein av dei var Even. Trur han må vera beste imitator av Gjermund Storaas nokon tid. Var heilt lik i stemma, i måten å snakka på og i faktene. Ja Gjermund, du har fått deg ein dobbeltgjengar der!

Jammen godt de fekk feira litt både fredag og lørdag. Håpar de har hatt ei fantastisk helg og at det gav meirsmak. Holmatunrevyen treng deg om du likte dette og ynskjer å vera meir med på slik galskap!!

MED UNGDOM I HUSET......

Her sit eg, klokka er 02,00. Har site lenge, ganske lenge. Og det er ikkje fyrste gong.
Eg er vaksen, ganske vaksen. Er ikkje fødd i går
Når du blir vaksen kjem uroa for andre. Ho melder seg som ein snikande, krypande, ekkel følelse.
Kvar startar ho? Trur ho startar gryande ein plass i margen i det ungdommen presenterer at dei skal ut.Timane går og uroa forplantar seg rundt i kroppen, frå eine anatomiske delen til den andre. Til sutt endar det med at heile fysikken er elendig, og trøttleiken? Trøttleiken heng som eit tungt lok over deg. Men leggja seg? Nei, ein ventar på beskjed. Aller helst meldinga om at no vil eg hentast.

Eg ser på telefonen. Virkar han ikkje? Kvifor kjem det inga melding? Eg blir sein. Tre heilt enkle ord på ein mobil skjerm hadde vore noko. Nei. Stille som i grava. Ikkje det at eg har vore i grava, men det er no ein gong slik ein skildrar det. Held det fram slik kjem eg der kanskje raskare enn eg anar.

Eg er vaksen. Burde kanskje ta til vit og gå til sengs. Er ikkje lett det. Er rett og slett ikkje aktuelt med ein slik uro i kroppen. Kva er vitsen? Leggja seg ned ein plass det liksom skal vera koseleg varmt og godt. Uroa lagar elende. Liksom herjer rundt i det mjuke området på 180x200cm, Kroppen ligg fleire centimeter over madrassa og dyna vert snudd, ikkje berre ein gong men sju. Nervesystemet står på høgkant. Kjennes ut som piggtrå i musklaturen, Uroa har fått overtak.

Kvifor? Kvifor ikkje bruka fornuften? Henta han fram frå ein eller annan stad i kroppen og berre snika han forbi piggtråden.Det går jo bra dei aller fleste gongar. Og ungdomane her hjå meg har alltid vore roleg kjekk ungdom. Ja, kanskje det er det som er rota til det heile?

Eg er vaksen og vaksne har erfaringar. Uroa mi baserer seg ikkje på dårleg erfaring med dei unge i huset sin veremåte, kanskje heller min eigen ungdom. Hm...eg blir nesten endå meir uroleg. Kva gjorde eg då eg ikkje gav beskjed?
Ein ting er sikkert. Eg vart vaksen, eg vart det eg og, trass alt eg var med på.........Kanskje eg burde prøva å roa piggtråden og leggja meg i 180x200cm mjuk tekstil?

Ungdom i huset....Skal vera ein overgang vert det sagt....jau men jaggu stikk det mange gonger undervegs i den overgangen.

Eg er vaksen, skal vera uroleg. Skal bry meg om og ikkje med. Ungdomen skal oppleva, skal sanka erfaringar og ein gong bli vaksen, vaksen nok til å kjenna piggtråden i nervesystemet og uroa for sine eigne born som skal ut i alle dei spanande situasjonane.
Ein gong i framtida er det dei som har ungdom i huset.

Over for denne gong....

Her var utsikta vår. 9.etg rom 934, buisness....og med balkong . Dessutan Dagens Næringsliv levert på døra. jau.....me hadde det ikkje akkurat ilt nei. Den trivelege turen vår med spa, shopping og jentedilling.... no er det over. Buisnessrommet på Hotel Norge var bra som vanleg og behandlinga me fekk i spaavdelinga var fortreffeleg. No har eg reinsa ut all elendigheit som måtte liggja under dei fleste hudlag i andletet. Godt å bli stelt med. Masasje og dill, tedrikking og avslapping i relaxavdelinga. Gode greier alt.
Lommeboka har nesten utsliten glidelås. Opp og att og betala her og betala der. Nokre nye greier har eg med heim ja. Slik som denne for eksempel.
Skulle jo berre mangla...



http://www.youtube.com/watch?v=9ZV3oHmusJo&eurl=http://www.deal.no/produkt.cfm?id=118645&feature=player_embedded




Mykje kjensfolk på hotellet. mange hadde tatt turen for å sjå showet til Kristian Valen. Det får eg ta ein annan gong. No trur eg lommeboka må ha pause ei stund......Men det vert anbefala på det sterkaste å ha seg ein slik tur.

Hallo - eg heng med!

Heltar skreiv eg om sist gong. Løye! Her er ein helt, eller rettare sagt ei heltinne til...og no er ho på TV. Frøken detektiv forstår seg.

Eg og vidunderet mitt har benka oss i sofaen igjen- klar for frøken detektiv. Nacy Drew på TV. Nei slik var det ikkje i mi tid. Eg hadde ho berre i bok, eg. Bøkene var moderne med flotte fargebilete på utsida. No står dei fint i hylla på loftet. Gutane mine ville ikkje lesa slik jentelitteratur.
Nei då dei var yngre var det helst Hardyguttene det gjekk i. Me har visst dei fleste i serien ståande i hylla. Men mine kjære heltinnebøker - nei dei skulle dei altså ikkje sjå seg mon i. Men, det får vera greitt. Eg har to tantebarn som faktisk viser interresse.Gudsjelov for det.! Tenk om dei skulle vore for keisame, eller for gammaldagse...Nei fri og bevare meg...Godt at dei er populære att. Til og med så populære at det går frøken detektivfilm på tv , og så på Canal Pluss!

Bøkene var nok gode dei. Inne i dei starta spenninga alt på andre , tredje sida. Plutseleg var George og Bess innblanda osv osv. Dette veit alle som har lese frøken detektiv.
Skumle saker ho jobba med ho der. Var vel påverka av far sin. Er me ikkje alle det då. ....Far min ja! Det var ein grepa kar...Nei ikkje oldefar som han Johannes Kleppevik syng om,oldefar har eg aldri opplevd. Men far! >Far var ein grepa kar..han er ein grepa kar. Men....

Johannes Kleppevik ja. Kva meiner me om han då, eller kva minner har me? Trur ikkje eg skal leggja ut om mine minner kring hans namn. Er ikkje så mykje å snakka høgt om, og i alle fall ikkje gode. Vart lite imponert kan du sei. Kan rett og slett ikkje fortelja om dei her eingong.

Skumle greier du! ....Hehe. Noko som får meg liksom inn att der eg byrja...... Skumle greier og Nancy Drew. Det var der eg var. Er det noko å blogga om då? "Er sikker på du kunne skrive om typar glasur å ha på kaka og", seier eldstemann som ligg her med beina høgt. No skal han liksom sjå Nancy Drew, det som var så lite interessant då han var yngre...Vel seier eg ...kanskje han har byrja å verta vaksen? Og glasur...nei eg skal ikkje skriva om glasur. Eg held på med ho som eg aldri kjem vidare på fordi tankane sporar av, og dessutan så ser eg på film.

Ja eg er dame og kan gjera fleire ting samstundes, men visse grenser er det jo.
Les Nancy Drew. Og synes du det er pinleg fordi du er for gammal, ja då kan du berre lesa til barn, tantebarn, elevar eller andre yngre personar. Eller rett og slett lura deg på soverommet ha lommelykt under dyna og snika deg til. Skaper stemning det. Skummelt kanskje - slik det var før i tida.
Nokon klatrar i fjell, nokon rappelerar, andre kjører i uforsvarleg tempo og nokon ligg under dyna med lommelykt og frøken Detektiv. Alle driv med saker som triggar adrenalinet....Eg les helst Mary Higgins Clark. Psykologiske thrillerar i bok eller film - Det er saker det! Frøken detektiv har eg lese og er stolt over det men no er eg liksom litt vidarekomen.
Men filmen i kveld, jau eg heng med.

Kor e alle heltane????

"....Stå opp igjen, Zorro kom tebake!"







Slik syng han Jan Eggum....
Kor tar han det i frå?
Heltar?
Ja kor er dei hen?
Det lurer eg faktisk på.
Kven er heltar no for tida?
Mine heltar var Sølvpilen, Fantomet, Tarzan og Zorro.

Alle stilte dei opp for folk som trong hjelp.
Dei kunne vera skumle
men menn som på innsida var fløyelspus.
Klar for eit realt arbeid om det var nødvendig
Klar for å redda nokon i nød
Så leita dei etter forsvunne folk
Hjalp sjuke,
Sloss om det var på sin plass
Kjempa så blodet rann
Men for kven?
Nei det var ikkje seg sjølv - det var for andre
For andre folkens-
å gjera noko for andre!
Desse var heltane mine

Eg skulle hatt ein helt.
Kvar får eg kjøpa slike?
Heltane fins jo berre på film.....
Dei har ikkje stått opp igjen -
Eller komt tilbake.

Kor tid skal dei koma tilbake?