onsdag 24. oktober 2012

Juuhuuuuu!!!

Skal sei! No har tytto fått helsa tilbake og er klar for joobb. To dagar i heimen høyres godt ut, men nei...ikkje når ein må.

Skal bli godt å koma seg på god tur med hunden att og i morgon. Me likar turar i skog og fjelllandskap. :-)
Eg må le av den bikkja mi. Av og til er ho knakande god. Ho har fått seg ny venn, Bobby. De skulle berre sett alt ho kjem på for å prøva å lokka han ut i leik med fart, når han berre vil gå og nasa i graset og leita ettr godbitar som matfar har hive ut. Skikkelg matvrak av ein venn ho har funne seg.
Ein stor venn, men ein god venn.

Eg har ikkje funne meg stor venn og god venn endå :-) Haha...Kanskje eg brude bruka litt av hennar metodar. Lokka liksom....og dersom han ikkje bit på så legg eg meg og lurer i graset , liksom kryp framover, Det var då han beit på. Rullar rundt for å vera attraktiv. Au Au Jau, det skulle tatt seg ut du!

Nei nok tullskriving. Snart er det revy att i Holmatun. Håpar de kjem og ser. I år har me fått med fem nye ungdommar, og dei er så flinke. De vil bli imponert. I tillegg har me nokre av dei gamle ringrevane med, og nye vaksne, folk som har flytta til bygda. Spanade! De må koma.Datoen er 16 - 18. november. Me har mykje løye føre....alt frå absurd humor, lokale ting og meir generelle og nasjonale greier. Noko er greitt berre show!

Elles...jau dagane og livet rasar på fram. Det var ein del ting eg skulle fått gjort, ting eg skulle fått sagt og ting eg skulle hatt ordna opp i, men ein får ta litt i slengen. Hadde blitt jysla keisamt om ein gjorde alt ferdig på ein dag liksom. Kva skulle ein då finna på i framtida?

No senkar natta seg, høyrer på radiolydane at det er på høg tid at heksa tek kveld. Nattønske startar. Da e natt folkens!
Ta deg tid til ettertanke, ta deg tid til dei som betyr, og ta deg tid til å kvila. Gode råd. God natt alle saman. Love you!

søndag 21. oktober 2012

Tida....kor blir det av ho?

Så var endå ei helg snart over. Det går for fort for meg.
 Eg heng nesten ikkje med eg. Snart er det jul!
Korleis i all verda får ein tid til alt ein vil? Kanskje det er meg som har for mange lyster....kven veit?

Denne helga har eg fått med meg Dagfinn Lyngbøshow i Bergen, hotellovernatting, fjelltur, komlemiddag, besøk av god veninne, handling av julepakkar og sjølvsagt noko til meg sjølv også, skulearbeid, vasking av hus med meir, men eg fekk ikkje med meg krabbefesten eg ville på, eller besøkja venner, snakka med interessante folk som eg skulle snakka med, skriva vurderingane eg hadde tenkt, rydda ut ein del ting frå loftet,besøkja dei eg vil tilbringa tid saman med ....ja...dette er berre litt av alt det andre eg hadde lyst å gjere denne helga. Kor blir det av tida?
Eg meiner då vel at eg sparer tid med å gjera mykje fort, men eg sparer jo aldri nok!!

Nei, eg veit korleis det skal bli i mitt neste liv: Haha...då skal eg berre gjere det eg har lyst til i frå A til Å. Såååå sånn skal det bli!!  Haha...

Vel....Det er vel ein viss fare for at det hadde blitt ein strek i rekninga då også...Her sit eg og liksom trur det er så lukurativt å ha det slik at ein kan gjere kva ein vil. Nei....med nærare ettertanke så trur eg nok at det hadde blit svært så stusselig. Ingen hadde bruk for meg, ingen krevde noko frå meg og ingen hadde ynskje om at eg skulle vere der og delta. Berre eg sjølv som hadde lyster som eg skulle fylgja....Nei, det er no beint godt å vita at folk har lyster som inbefattar meg også... Haha...Ikkje tenk koffert no...det var ikkje det eg meinte. :-)

Prioritering heiter det så fint. Det er ikkje snakk om å ikkje ha tid, men det er snakk om kva ein prioriterer. Ja, nei....eg er no ikkje heilt einig då. Sjølv seier eg det alltid: Det er snakk om prioritering.Men eg har no neimen ikkje heilt rett i det.......
Jau, til ein viss grad, men heilt konkret og praktisk så blir det vel omlag slik forklaringa er:

 Dersom eg tenkjer over alt det eg har skrive over her , om helga mi, så er det ikkje nødvendigvis slik at eg prioriterte det eg har gjort....heller at eg byrja ein stad og prøvde febrilsk å rekka over alt eg ville....men med mine uoverkomelige lyster så er det praktisk umogleg å gjennomføra alt. Søren altså!  Eg skulle vore overnaturleg :-) Det skulle tatt seg ut!!!  Du verden!






Vel er eg heks, men overnaturleg. ...Tenk då!
Hm....den der må eg fundera litt på.....
Kanskje eg ikkje skal bli mann i mitt neste liv.....kanskje eg skal bli overnaturleg.....Dei to tinga kan ikkje kombinerast...

Hahaha....no fekk eg terga deko menn litt også. :-) Ha ein fasntastisk kveld folkens! Helsing heksa i Sundsvik :-))))

onsdag 17. oktober 2012

GÅR DA AN???


Har det nokon gong kjent på frustrasjonen når ting ikkje verkar som det skal?
Nei no altso!
Det er ikkje ofte eg set meg ned for å sjå TV, men det skulle eg i ettermiddag....... Fekk no vel  ikkje TV biletet :-( Eg kom til menyen , kunne velje kanal, og då eg skulle trykkja for valet, ja...nei d...då kom det vel ikkje noko i TV-ruta. Er det ikkje typsik? Og dette betaler eg i dyre dommar for :-)

JA, det er lite eg engasjerer meg i TV, men i kveld skulle ho mor sjå Hotel Cæsar etter gammalt, og så skulle jo Farmen koma....men neiiiidå!

 Eg må jo le i ettertid og lura på kva eg er laga av.
Eigentleg så er det ein bagatell, og eg hadde sikkert tusen andre fornuftige ting eg kunne gjort i staden. Men, nei....då ....då hissa eg meg opp over dette.

 Fyrst prøvde eg vel omlag alle knappane på fjernkontrollane nokre gonger , så prøvde eg å ringje Kvamnet som er leverandør.....

Nei...sjølvsagt ikkje svar der klokka litt over sju om kvelden, løye at eg i heile tatt gidda prøva, eller at ikkje eg kunne vere så rasjonell i hovudet at eg innsåg dei ikkje kom til å ta noko telefon.

Vel...det neste eg prøvde var å dra ut stikkontakten og venta nokre sekund...i tilfelle noko skulle ha låst seg i dei hersens boksane :-)
Irritasjonen var til å ta og føla på. Jau....her SKAL det sjåast TV ....NO!  Så...gamla heiv seg på telefon til eldste son i Bergen.....kunne han forstå dette?
 Neeeiieeee...han visste vel ikkje. Gav meg all slags gode råd som eg visste frå før....og eg hadde no vel for guds skuld prøvd dei...opp til fleire gongar! Den knappen og den knappen...JADÅ!  Exit meg her og Exit meg der! Eg hadde no vel søren meg trykka Exit så fjernkontrollen var heilt varm.

Det mest irriterande var....at han trur jo eg er dum...når han kjem med slike råd :-) Temperaturen steig ytterlegare.


Eg hadde enno ein mulighet......kunne ringa junior, som var på jobb på Europris! Yes!
Eg veit vel at han ikkje skal snakka i telefon når han er på jobb, men det var vel verdt eit forsøk i desperasjonen.

 Trur du han tok telefonen? Nei, sjølvsagt ikkje. Så då fekk eg altså til å hissa meg opp over det også. Eg visste råd og sende melding: Kan du rinjga meg?  Kva trur de svaret vart?
 Eg er på jobb lissom......

Eg veit no vel for svarten det vel! 
Det var då eg gjekk tre rundar i huset....lurte, tenkte...hm....kva då. Eg gjer dralven i hele TV! Drittutstyr!
Så tok eg hunden med meg og reiste til Øystese og gjorde noko ordentleg arbeid i staden. :-)

Ikkje veit eg kva som går føre seg i Hotel Cæsar, og ikkje er eg oppdatert på Farmen, men eg har roa meg ned. Eg har fått gjort viktige ting , og eg har tenkt over kor idiotisk irritert me av og til er. Då filosoferte eg meg fram til at eg trur kanskje eg treng kvila litt. ...Haha....

No trur du kanskje det har tilta for meg...Åneidå! Det har det faktisk ikkje...og ikkje gjer det det heller, for eg har fått gjort fornuftige ting i dag. Eg har vore på jobb, ordna mat til junior som skulle på jobb, vore på teammøte, fjelltur til Krokavatn fekk eg tid til...og så skulle det vere TV...men det vart administrasjonsarbeid for revyen i staden. Og, no sit eg her. Klokka er langt på kveld og eg bør gjere meg klar til litt kviling og søvn. :-)

I morgon er det arbeid att, men .......#%¤/##   pitle....Sundsvik blir stengt og bilen må ut før 07.00 . Flott deeee! Noko å hissa seg opp over att!....og asfalteringa her då...som går så treigt....har vore stengt nærast to veker no for det skal asfalterast....og asfaltarbeidarane....sniglar som berre står og røykjer og stikk av...er her nesten ikkje.... Godt eg ikkje har ein slik mann i hus...hahaha :-))) Sov godt folkens! No skal eg kvila. :-)))

tirsdag 16. oktober 2012

Blogging att

No er det jaggu lenge sidan eg har skrive her, trong vel kanskje ein pause. I alle fall er det slik at med mykje å hengje fingrane i , med travle tider og mange ulike vegar som dreg, då er det greit å avreagere med skriving. Har bestemt meg for å byrja med dette att.

Om ikkje nokon les, så gjer det faktisk ikkje noko. Eg har gleda med å skrive, og eg slappar av med skriving. Somme gonger blir det alvorlege innlegg, dei fleste blir sv den lette typen , kanskje litt humoristiske saker, men uansett så er det alltid noko seriøst som ligg bak. Ordene kjem frå ein eller annan stad inne i meg seddu.
Ja! Eg skal definitivt hiva meg på blogging att. Eg kjenner eg er klar, men i og med at det er så seint no, og arbeidet kallar i morgon tidleg, ja, så tenkjer eg at eg byrjar i morgon. Sov godt!

onsdag 7. mars 2012

EIT STORT YNSKJE, Les og sjå om det gjeld deg.

I dag blir det rett og slett eit innlegg med alvorleg preg.
Eg har eit stort ynskje:

Eg skulle ynskja at eg var gud, i det minste ein god engel som kunne landa på skuldrane eller i det mjuke håret til gode folk eg kjenner, både unge og litt vaksnare. Eg kjenner så mange unge menneske som eg ville ha landa på........ Mange av dykk er så unge flotte menneske. Mange slit med så mykje og eg føler meg makteslaus i forsøk på å stilla opp og hjelpa. Dersom eg hadde vore overnaturleg, vore ein gud, ein engel eller rett og slett ei ånd som kunne landa der, berre sige ned , setje føtene forsiktig ned, som eit lite vindpust. Personane skulle sjølvsagt ikkje merka noko. Dei skulle kjenna vindpustet og lura på: Kva var det? Og i den augneblinken så endra livet og tankane deira seg totalt. :-)

Å leva er ikkje lett. Ein kan prøva kven som vil. :-) Men å hjelpa er neimmen ikkje lett det heller, ein kan prøva kven som vil. Som menneske har dei aller fleste mykje godheit i seg. Det har eg og. Eg føler eg boblar over av det av og til. Kva er det for ei kraft dette som er i oss, og kvar kjem ho frå? Kanskje frå den riktige Gud?

Vel......No har ikkje eg vore den ivrigaste kyrkjegjengaren i mitt liv, så eg burde kanskje ikkje følt all denne venleiken mot andre? Jau, det burde eg absolutt! Eg prøver å vera eit god menneske, og meiner vel for det meste at eg er akkurat det.

Det blir berre så fortvilande når ein har unge flotte menneske rundt seg, menneske som slit i kvardagen. Eg prøver å hjelpa , og kan berre håpa at dei ser at eg bryr meg om dei. Kanskje er dei ikkje opne for å ta til seg denne venleiken. Kanskje vert også det for vanskeleg, men eg må prøva. Eg berre må prøva!

Slik er det også med venner og andre som står meg nær. Maktesløysa kjennest som den tyngste børa eg skal bera i livet mitt. Lurer på kva eg gjorde i eventuelle tidlegare liv, som kjenner slik maktesløyse i dette? Kanskje vil du som lesar sei: - Ho har ikkje mykje å bekymra seg for ho der, men det er akkurat det eg har. Å bekymra seg for andre som ein er glad i , folk ein bryr seg om, det er faktisk ganske så vondt. Men eg har det ikkje vondt likevel....ikkje samanlikna med dei eg her skriv om.

Er du ein av dei eg skriv om? I så fall har du lest her og skal vita at eg bryr meg enormt om deg. De er fleire der ute i verda. De kjenner meg og veit sjølv kven de er. :-)

Eg vil læra meg å trylla, eg vil bli ein tryllekunstnar som tryllar bort vonde tankar, vonde handlingar, dårleg samvit , press, krav, vonde draumar, ja, vonde tankar i det heile.

Seinare ein gong i framtida når eg har vorte gammal og pensjonist, ein gong om mange mange år......Når eg ein eller annan dag reiser frå jorda, då vil de oppleva meg som ein engel som landar stille og urørleg på skuldrane dykkar. Kanskje blir eg ein tryllekunstnar i mitt neste liv? Kven veit? I mellomtida veit de at eg gjer alt som står i mi makt for å hjelpa, eg skulle ha plukka månen ned av himmelen, gjeve frå meg det meste eg eig og har, dersom eg kunna gjera ting litt enklare for dei som slit. :-)

I mellomtida gledar eg meg over kvar dag. Me har så mykje me kan utretta. Noko må gå oss imot for at anna skal kjennast godt. Slik er livet. Dersom ikkje noko hadde vore negativt, så kunne heller ikkje noko vore positivt. Sjå lyst på livet! Stjel kvart einaste øyeblikk med glede, og ver glad. Og er du ikkje glad, tenk deg om.....det er alltid noko å vera glad for. Du kan tenkja på at eg bryr meg om deg. ! :-)

lørdag 15. oktober 2011

GRATULERA TIL MEG SJØLV!



No har eg endeleg gitt ut bok! Spanande!
Dette er ei bok som er svært enkelt skrive. Ho er tenkt til kvardagsbruk, når du har lyst å flira litt, eller når du har lyst å lesa opp att akkurat noko lite inne i ho, som du hugsar at du identifiserte deg med. Boka har små system som høver for både unge , vaksne og gamle.

Men...kanskje du bør fostå ironi når du les enkelte sider i boka.

Verkemiddel ja......
Lyriske verkemiddel er det mindre med....som norsklærar veit eg jo litt om verkemiddel og analysering. Det har aldri vore meininga for denne boka! Ikkje prøv ein gong! Denne boka skal vera enkel, vera morosam, kanskje litt alvorleg , og skal vera ei glede i kvardagen.
Løp og kjøp folkens!
Eg trur på at folk kring i kommunen , og kanskje utanfor kommunen også, vil lika ho.
Vel, eg er sjølvsagt klar over at mange vil synast dette er for dumt, og at slikt ikkje bør utgjevast. Tull!, seier eg.
Me må ha koseleg gledeslesnad for oss vanlege dødlege...hehe

Elles er eg i gang med bok nummer to. Eg trur ho skal heita noko så greitt som Fleire tankar i små system.
Her er eit døme frå den nye boka som enno ikkje har kome i trykk.



Smygar.







Hei du der ute!




Du vetle orm.




Som smyg deg gjennom livet,




tek alle med storm







Lær meg å bli ein smygar,




ein liten slange




Slik eg kan sno meg,




som dei mange







Eg veit om ei småga,




du vetle orm




Eg veit om ei småga,




men der blir det storm.







Klarar du deg i storm,




du vetle slange?




Er det godt å vera orm




mellom dei mange?







Då vil eg bli ein liten orm.




Ein smygar i ei verd




Ein slange på ferd.




Ein som tek alle med storm.









søndag 7. august 2011

Lenge sidan - lenge til

Forfeeeerdeleg lenge sidan eg har blogga. Har i mellomtida heldt på med mykje. Har resonert litt kring mitt eige tilvære og funne ut , plassert og arkivert ein del ting. Har også lese litt i media om folk som bloggar, kva som får folk til å driva med slikt og om dei har eit spesielt behov for å bli sett av andre.

Eg trur ikkje det er det som feilar meg. Nei...eg bloggar rett og slett fordi eg alltid har vore belasta med ein slags intesns skrivekløe. Av og til må eg opp att om nettene og skriva. Frisk? Sjuk? Nei ikkje veit eg, men det er altså ikkje for at alle skal sjå meg. Likevel er det sjølvsagt moro å dela det på nettet, eg veit at mange som føl med bloggen min ler godt undervegs. Då har eg jammen oppnådd noko kjekt. Fått andre i godt humør.


Dessutan er det kjekt for ein norsklærar og ikkje alltid vera så formell i skriftleg språk. Her på bloggen kan eg utfalda meg fritt....eg skriv prikkar og strekar utropsteikn og spørsmålstein, så mange eg vil, kvar eg vil - og det er lov.


Til elevane seier eg at dei skal bruka minst mogleg småord, slike som så, som, men, og , jo osv. Her kan eg bruka dei så mykje eg vil. Haha.


Vel lenge sidan eg har blogga. Ja! Kvifor? har rett og slett ikkje vore i modus. Mange ting eg har hatt å tenkja på seddu. Eg tenkjer fælt. Hadde det vore mogleg med hjarteinfarkt i tankane så hadde eg nok hatt det for lenge sidan.:-))


Eg har hatt mange ting å ta stilling til. Det er så lenge sidan ting eg hadde ynskt meg....og det ser ut til å vera endå lenger fram til det, sånn av og til. På den måten så trenar eg til VM i venting kan du sei.


Så har eg i denne tida funne ut kva som er kviktig i livet mitt. Det er for all del ikkje må og burde og slikt. Eg har sortert i tankane, i følelsane og funne ut at dersom eg skal ha det bra, så må det gjerast nokre grep i livet, store grep til og med. Skal helsa mi på plass att så må eg gjera endringar. Eg kan ikkje lenger ta hensyn til alt og alle rundt meg. Eg må rett og slett utretta noko fornuftig for kropp og sjel. Det inneber mellom anna sal av hus.


Sjølvsagt kunne eg hatt det nokre år til ....i tilfelle...kanskje...om atte...ein av gutane ville ha det....men nei, dei veit ikkje kva dei vil, for dei er det nok ikkje så viktig anten det er her eller der dei arvar. Det viktigaste er at me har det godt alle saman.

Det viktige er ikkje at mor slit seg ut i hage og heim. Kva skal eg med 4 stover, 6 soverom og 2 bad? Jau eg kan springa einsam rundt her og opphalda meg litt her , litt der, sova her og sova der, dusja her og dusja der.....men kva er poenget. Eg kan også leiga ut, tena pengar, men pengar gjer meg ikkje lukkeleg når eg arbeider meg halvt i hel for å driva bruket. Nei no skal det bli sal av hus! Såååå sånn e deeeeee!


Lenge til! Lenge til kva? Alt eg ynskjer meg. Ser ikkje ut pr i dag som det blir, men håpet må haldast på. Viss ein gjer opp så har ein jo tapt! Me får sjå. Lukka står den kjekke bi, seiest det. Og alt ordnar seg for snille damer.....Eg er i alle fall snill. Det veit eg. Det synes eg faktisk sjølv også. Kanskje dumsnill er rette ordet. Kanskje neste mål skal vera å bli kynisk og jævlig?? Haha...Jau ho får da nok ikkje te! :-)

mandag 11. april 2011

Venting

Venting er ein syssel. Jaja....syssel og syssel.....for meg er venting ein slags konstant normaltilstand. Har du nokon gong tenkt på kor mykje tid som går til venting? Kor mange gonger om dagen du eigentleg er i ventemodus, eller at du ventar, berre at du driv tida med noko heilt anna, berre for å få det til å gå framover, eller for å avleda tankane dine? Gubbevaremegvel kor eg ventar!


Kvifor ventar eg så fælt då? Er eg meir utålmodig enn andre folk? OK, eg er kjent for å vera det som me kallar brå. Javel! Så er eg brå då!. Kva tener eg på det? Tid kanskje? Tid har me nok av seier ein, men det er slett ikkje sikkert! Dessutan brukar eg tid på venting og? Søren! Tapar eg tid på det kanskje? Hm......Dette må eg fundera på.


Tida går seinare dersom ein ventar, seier mange. Ja, mogleg det! Men samstundes er det slik at dersom eg ventar og ventar på noko, så hiv eg meg rundt og gjer ein heil del anna , akkurat for å slå ventetida i hel. Der sparer eg tid, ikkje sant? Får gjort mykje medan eg er i ventemodus eg. Lurer berre på om eg hadde fått gjort meir eller mindre dersom eg ikkje brukte energi på venting.....men venting er tankar som ikkje kan styrast har eg funne ut. Brått er dei berre der og kastar du dei ut av toppkula, ja, så kan du vera sikker på at dei er der att om litt.....nei dei ventar ikkje....ventetankane altså....


Kva ventar eg på då? Ågubbevaremegvel...det er mykje...eg vil no ikkje fortelja alt her. Om de ikkje trur at eg er gal i hovudet ved å lesa venteinnlegget mitt, så trur de det i alle fall dersom eg skriv alle ventetankane mine her....men i dag ventar eg mellom anna på at onsdag denne veka skal koma , og onsdag neste veke òg. Onsdag skulle absolutt vore før i dag , og neste onsdag skulle vore i morgon. Og sånn går nu dagan!

Gal ? Javel! Du får meina det du då! Du kan jo prøva å venta på at eg skal bli normal :-) Så kan du kosa deg med ventebiletet mitt i mellomtida....:-))

mandag 28. mars 2011

Skal eg vera same, indianar eller campingturist?



No, forstår de...har eg kome på det geniale! :-)

No lurer eg på å gå til innkjøp av endå ein lavvo, ein skikkeleg ein, ein med tjukk bommulsduk, ein 12 manns.....

.....Flytta i lavvo til sommaren......bu ute heile året. Eg har jo vedovn til lavvoen, kan ha ein lavvo til soving og skulearbeid, og ein som eg har til kjøkkenavdeling og oppbevaring. Så skal eg ta med meg firmansteltet mitt og bruka til portapottiavdeling. Så genialt!!! Hunden vil truleg elska det òg.

Kan skru ned til 10 grader i huset, eller leiga det ut dersom eg vil ha inntekt......hm...ikkje dumt! :-)

Det einaste som må ordnast er å få eit område eg kan bu på. Eg kan leika indianar på Mo, same på Skålheim eller campingturist nede ved sjøen..... Ein eller annan kan vel lata meg få setja opp desse tre telta.?? Eg vil bu der heile året.

Viss eg riggar meg til i sommar. Lagar til med isopor, skikkeleg madrass , nokre lette møblar, straumkabel til hybelkomfyr og litt lys, og så tek eg med meg vedomnen til sovelavoen. Eg er sikker på at eg kjem til å få det fantastisk. Tenk så flott det er å vakna....reisa på skulen ein time tidlegare, ta morgondusjen der og vera klar med kaffi når dei andre kjem.

Om kveldane kan de henda eg får besøk i lavvoen, for alle er vel forviten på korleis eg har det der. Hunden vil storkosa seg, få tjukk god pels og passa på meg om natta. Problemet er vel kanskje at han gjev hals når reven fer fobi eller ugla set i gang om kvelden.

Dette skal eg seriøst fundera meir på. Trur ein får svært god helse av å bu ute heile året. Det kan ta att for at eg røykjer....blir liksom meir sunn då.....hehe. Kjem du på besøk?

søndag 27. februar 2011

Tilbakemelding frå barneheimen i Guatemala



Så fantastisk! Ved å lesa kopi av brevet eg har limt inn under her, vil du kunna sjå alt som har vorte gjort for pengane som Kvam revyteater sende til den norske barneheimen i Guatemala. Det var jammen ikkje lite det. Det er ein god følelse, det kjennest heilt utruleg bra og kunna hjelpa så mange barn med så mykje for dei kronene som me sende. I Noreg får me jo ingenting for førtitusen kroner...

Under her kan du lesa brevet. Her er bilete før oppussing, og nederst i innlegget ser du bilete korleis det er etter oppussing.










Kjære alle som deltok på ” Den spanske flue”!
Tusen takk for den store fantasktiske pengesummen dere sendte til oss i fjor høst ! Vi er nå ferdige med å male og restaurere og vi er svært fornøyde med resultatet.
For pengene fikk vi gjordt mange ting kan dere tro! Vi kjøpte bøttevis med maling og diverse maleutstyr, kjeramiske veggfliser og gulvfliser samt lim.Vi bygde et nytt kjøkket og kjøkkenet fikk veggfiser på alle vegger. Det ble et fantastisk kjøkken som alle koser seg på når tante lager maten. Vi kjøpte murblokker som ble til kjøkkenvegger og vi kjøpte flott skyvevindu og skyvedør til det nye kjøkkenet. Kjøkkenet tidligere var mørkt og svært lite plass for matlaging. Nå er det stort og lyst! Tenker hvilken drøm som gikk i oppfyllelse!
Spiseplassen til veggfliser til midten av veggen rundt bordene der det er bespisning. I tillegg har vi kjøpt inn 15 enkle plast-krakker som blir brukt der det er behov.
I stua slo vi ned en vegg og den ble stor og presentabel med nytt malingstrøk.
Det har kjøpt inn nye gardiner og nye små sofaer, for små brukere.
Baderommet fikk ny vask med skap under og nytt malingstrøk samt ny dusjgardin, samt en ny dør inn til badet.
Boden ble malt og det ble laget to små lufteventiler som nå gir frisk luft inn i boden. Tidligere var det helt tett og dermed til tider dårlig luft.
Soverommene ble malt, samt at et av rommene, der jentene bor, fikk slått ut en vegg slik at det ble mye større. Nå sover alle de 6 jentene i samme rom og det er hyggeligere!
Det ble også satt inn to nye små vinduer for å gi mer lys inn på soverommene.
Det ble laget en sovehems for de eldste guttene slik at de sover separert fra de små og har sine private ting der oppe, en skikkelig løvenes hule ble det!.
Ute ble det satt opp en ny vaskekom hvor man kan vaske klær og vaske kopper og kar. Den rommer mye mer vann enn den vi hadde tidligere. Til tider har vi vannmangel så dette var en stor gave for de ansatte.
Det ble også satt opp et urinal for gutta.
På et av badene byttet vi ut et gammelt og ødelagt toalett og hele badet ble malt, og det ble hengt opp et nytt dusjforheng.
Kontoret ble malt og fikk nye gardiner.
Uteplassen ble malt fra topp til tå og etterpå dekorert av en profesjonell maler. Treet på uteplassen ble hukket ned og det ble laget en hyggelig uteplass for ungene. Mest av alt er det nå en utestue. På veggene har vi satt opp kjeramiske fliser slik at regnet ikke skal ødelegge veggene når regntiden kommer. De samme flisene har vi lagt på en ” sofa” som er under taket på utestua.
Den store muren utenfor huset som forteller at her er Casa Hogar Feliz måtte også han en omgang med ny maling og har den fått friske farger og ser nå veldig presentabel ut.
Vi har også kjøpt gardiner til hele huset, handklær og flistepper til alle og noen plasbaljer og kjøkkenhandklær til kjøkkenet.
Arbeidet tok 6 uker og nå har er vi ferdige. Alle pengene er nå brukt opp men vi synes vi har fått masse for pengene.
Alle vegger , både ute og inne ble malt og alle tak innvendig ble også malt.
Sender noen bilder som viser før og etter arbeidet. Som dere ser ble det et kjempeløft av en fornying som var svært nødvendig.
Tusen hjertelig takk for hjelpen ! Vi håper at dere også synes at Barnehjemmet Smileby har fått en ny glans!!!

Hilsen fra Unn-Lisbet Jensen-Muj
Casa Hogar Feliz
Barnehjemmet Smileby
San Andres Semetabaj
Solola
Guatemala.

onsdag 17. november 2010

DET KJENNEST GODT - JYSLA GODT

TO BARN I VERDEN
To barn i verden.Den ene har latter, lykke og liv.Det andre har tårer, hat og krig.
To barn er glade.Det ene fordi matteprøven gikk lett.Det andre fordi det ble mett.
To barn løper. Den ene fordi skolen er slutt.Den andre for ikke å bli skutt.
To barn gråter. Det ene fordi et skrubbsår blør.Det andre fordi foreldrene dør.
To barn i verden.Den ene er ti. Den andre ble bare ni.
Ukjent forfatter.




I går overførte me (Kvam revyteater) 40.000.- kroner til den norske barneheimen i Guatemala. Sjå bilete og link i innlegget her. Pengane skal brukast til å mala huset, som sårt treng nokre støk. Dei skal leggja nokre fliser også, og me får vita etter kvart kva pengane går til. Alle , altså kvar einaste krone skal brukast til barnas beste. Unn-Lisbet styrer det og me har full tillit til ho. Bli gjerne fadder for barneheimen. Du finn all informasjon du treng her: http://www.casahogarfeliz.no/

lørdag 6. november 2010

KOM! KOM! KOM! KOM!!

Kom og sjå!

Me skal ha ekstraframsyning. Den spanske flue skal visast på scenen i Holmatun att fredag 19.november og søndag 21.november. Begge dagane byrjar det klokka 19.00 og du får kjøpt billett i døra. Det vert ikkje førehandsal denne gongen.


Holmatun slit økonomisk. Det må me prøva å gjera noko med, i alle fall hjelpa til. Dessutan har me fått knallgode tilbakemeldingar, og det var kanonkjekt å spela! Me har jo øvd så mykje. Manuset er på 100 sider så me har hatt å gjort på forstår du.


No skal me passa på å ha replikkane friskt i minne etter ein pause på ein månad. Ja, eg snakkar som Emma Klinke når eg er på badet, når eg legg meg, når eg kjører bil og , ja, stadig. Må hugsa alt. Kan ikkje dumma oss ut no!
Biletet er saksa frå Hordaland folkeblad sine nettsider.


Viss du lurer på korleis det går, synes eg du skal komma i Holmatun ein av desse kveldane. Ta med alle på jobben, ta med familie og venner og kom! KOM! KOM! KOM! (dette biletet er saksa frå nettsida til (Hordaland Folkeblad) hf.no

tirsdag 2. november 2010

KA HAR EG BALT MED?


Eg ser at eg ikkje har blogga sidan 13.mai. Lenge sidan det! Tru kva eg har gjort på, kva eg har vore oppteken med? Livet er travelt må vita.

Trettande mai, herregud! Eg har hatt sommarferie, vore i Vikersund, skifta tak på huset, vore på campingtur, starta jobb att, vore på slektstevne, fått meg hund...jaja fått og fått. ......Jaggu har eg betalt i dyre dommar for det meste eg har skrive her...utanom å starta i jobb då. Men , det kostar pengar det og, når eg tenkjer meg om. Skal liksom ha nytt utstyr av forskjellig sort då,, både bøker, veske, kle og sko.

Hunden ja! På biletet her er han 4,5 mnd. Du verden han har eg vore heldig med. Rett og slett kjøpt meg eit hannkjønn frå Trøndelag, nærare bestemt Orkanger. Og det vil eg sei: Det er ikkje noko kva som helst hannkjønn eg har fått tak i. Nei her snakkar mer skikkelg stamtavle, og frå kennel Quantos som er kåra til beste kennel 28 gongar av 29. Var ikkje klar over det før i går faktisk. Men, kjekt det!
For tida er hunden min beste kompis. Alt det eg ikkje kan fortelja dykk, det fortel eg til hunden.....og eg får altså dei svara eg vil.

Me kursar oss saman går mykje tur, særleg i regn. Og så elskar Hero å dusja, ja, det er Hero han heiter sånn til dagleg. Det flotte namnet hans er Tquila av Quantos.

Hundegård har kome på tunet, hundehus med namn er også på plass. .....og når eg snakkar hus så fyk tankane til mitt eige hus. ...no driv eg med rydding , reinsking og skal gje vekk og kasta. Skal tøma huset mitt.

Elles så har me spela teater i Holmatun ungdomshus i Øystese. Jysla kjekt! faktisk skal me ha to forestillingar til no i november. 19. og 21 november for dei som lurer på det.
Har vore oppteken av vennane mine i denne perioden òg. Nokre tenkjer eg på heile tida, enkelte har vore sjuke, enkelte har forsvunne og nokre nye kjem til. Glad for det. Ikkje glad for sjukdom hjå folk eg er glad i, men me får tru det går godt.
Livet er herleg! Eg overbeviser meg sjølv, for det skal faktisk vera det. Livet...jau...livet mitt...det går opp og det går ned...nokre dagar jysla optimist. Så mykje optimist at det sikkert er ilt for folk å vera i nærleiken...andre dagar ser eg litt mørkare på det, men det er stort sett når vaskemaskina ryk, snøen dalar ned, tyngre arbeid skal gjerast og slike tider.
På arbeid er eg så heldig å ha fantastiske elevar, gode kollegaer og nye vennar. me kosar oss. Eg er så glad i jobben min. Eg er så glad i hunden min! Eg er så glad i familien min! Eg er så glad i bilen min! (men fanken altså...eg berre MÅ få meg råd til Hummerbil i staden) Eg er så glad i turgåing, eg er så glad i vennane mine, i alle fall enkelte av dei og eg er så glad i ........Ja! Det var det for no. No har eg trykt meg ut litt, liksom summert opp livet sidan 13.mai og her er eg igjen.

Eg har altid hatt det best når eg skriv litt. Det liksom renn ut av meg....kanskje det er fordi eg ikkje har så mange å prata med i heimen....ungdommen er jo travelt oppteken. Eg snakkar gjennom tastaturet, anten på blogg,berre i dokument som eg lagrar , eller på facebook. Viss ikkje eg får prata så blir eg sjuk trur eg......hehe.

torsdag 13. mai 2010

NYrevy på Fedje


Så er det atter duka for revy på Fedje! Ta turen folkens! Reis ut og få med dykk eit fantastisk show med fantastiske folk. Eg gler meg!

Revyen vert vist laurdag i pinsehelga. Me er 6 stk som tek avgarde og har leigd oss hus.

Nu er det opp til deg hva du gjør.......men tenk: Tur er kjekt! Vil du leiga deg hus eller anna stad å ovenatta så sjekkar du berre Fedje kommune sine sider. der finn du linkar vidare til overnatting.

Skibidiiiiiii! Snakkast på Fedje!

Jysla goa greie




No har eg handla utstyr att og testa det ut på tunet. Jysla goa greie , seier no eg.


Nei dette vart riktig så flott!...... Og no er eg klar for den store turen...eller store turane. I alle fall kjekke turane.

Lavvo og vedomn. Ja då er eg hjelpen , midtvinters òg. Eg kan leika same på fjellet, hippie på campingplass, indianar i skogen eller nett kva eg vil. Heimesydd samekofte med hue har eg, hippiklede er det ikkje vanskeleg med,,,,,det heng så mykje sært her i skapa mine, og fjører til indianarbruk har eg flust av. Til og med langt hår til flette er eg berika med. Nei, no skal det bli saker folkens! Eg skal ikkje bli enkel ska de sjå!
Har du hug å vera med på tur er det berre å gje ein lyd. Lavvoen er 6-8 manns så her er det plass. Dessutan : Der det er hjerterom er det husrom, eller lavvorom ,,,,eller kva det no var....Jaja. De forstår kva eg meiner.




Gledar meg til å ta fattpå sesongen. Fyrte i omnen her i fleire vender. Det er så varmt og godt og maten kan kokast og steikast oppå. Jyyyyysla gode saker...forstår eigentleg ikkje kvifor eg starta ut med rundbrennar når eg kunne investert i denne med det same. Nei rundbrennar vil eg ikkje ha...fysj og fysj...hehe.